江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件 - Video

閱讀全文內容????https://bit.ly/4tfTE1t
瀏覽《東周網》更多精彩內容，獲取更多娛樂資訊???? https://bit.ly/44XSyvK

訪問江欣燕，第一件事便想起笑聲，想起在撈電視汁送飯的年代，她在《歡樂今宵》搽黑塊面扮菲傭Maria或梅艷芳。下月，這位扮嘢天后回來了，在《粵劇特朗普4.0》中化身「街市早苗」和「伊萬卡」，造型驚喜，觀眾要落足眼力才認得出她。正如她的身形，由月前出席《俠醫》宣傳活動開始出現變化，外界都擔心其健康狀況。
「我會叫嗰身造型做『大郵筒』，當日條裙改唔到窄，對鞋好高，天氣又熱，咪趁大合照前返後台休息囉。之前食甲亢（甲狀腺功能亢進症）藥物可能都有影響，同埋最近戒咗煙，啲人話戒煙會肥。」
她和前夫吳積遜的12年婚姻，在2013年走到盡頭。結婚期間，她生活糜爛，經常開P劈酒，「我試過飲醉瞓喺餐枱底，第二朝先被人發現。後來我選擇離開﹙離婚﹚，係因為人與人之間有個時鐘，緣份吧！突然有一下我覺得夠鐘，唔想再留喺度，想同爹哋媽咪一齊生活。」
這個鐘，時間校得剛剛好，令她可以陪爸爸走完人生最後的3年時光。
「我成日都講好彩有離婚咋！記得幫爹哋執遺物，喺佢書房個夾萬入面見到我張成績表，我啲眼淚好似花灑咁標出嚟，打畀梅小惠話佢知我唔掂，睇唔到嘢。嗰一刻我先知道一個人傷心到極致，係冇演員做戲嗰啲表情，只會腳軟坐喺地下。小惠就叫我唔使怕，即刻過嚟幫我執。」
現在她和媽媽同住，母女之間的鐘聲正嘀嗒嘀嗒地響，家中每個角落都充滿愛。

#江欣燕 #歡樂今宵 #梅艷芳 #Maria #高市早苗 #街市早苗 #李居明 #街市早苗 #粵劇特朗普 #曾志偉 #獎門人 #東周刊 #東周網 #黃庭桄 #黃庭桄專欄 #星桄伴我心