三上悠亞否認跳應援舞走光 自爆擺烏龍月老廟內求事業 - Video

三上悠亞否認跳應援舞走光 自爆擺烏龍月老廟內求事業

日本女星 三上悠亞 先後由AV界及女團SKE48退役後，上年加入台灣職業籃球隊所屬嘅啦啦隊，日前佢喺球賽期間跳應援舞，疑似因為上衣太細件包唔住豐滿上圍，搞到佢差啲走光，要一路跳一路拉件衫嚟自救。

不過三上悠亞呢日出席活動時就否認走光，強調自己上場前一定會做足保護措施，佢又指好多網民都以為自己可以睇到某啲嘢，但實際上大家咩都睇唔到，只係陰影造成嘅錯覺。三上悠亞指自己本來比較隨性，唔太在意呢啲嘢，所以冇問題嘅。

早前隊友就帶三上悠亞去咗拜月老廟，點知就鬧咗個大烏龍，佢話自己唔知嗰間係求姻緣嘅廟，當時自己就求咗工作方面嘅願望，至於講到擇偶條件，三上悠亞指對方只要令佢覺得幸福就OK，而自己嘅理想型係包括帥氣、溫柔等條件，而呢一切就組成佢口中嘅幸福。

#三上悠亞 #應援 #走光 #台灣 #AV #月老廟 #女團SKE48 #職業籃球隊 #姻緣 #理想型 #幸福#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0